AKO AY KATULAD MO

Crisanta N. Cardeño-Reyes

Setyembre 8, 1999

I

Iniwan ako at nang iwan,

Sinaktan ako at nakasakit.

Binigo ako at nang bigo,

Minahal ako at nagmahal.

II

Tingnan mo ako at pagmasdan,

Tayo ay magkakaunawaan.

Isipin mo na sadyang ganyan,

Kabiguan ay hindi matatakasan.

III

Masdan mo ang aking pagkatao,

Katulad mo rin ako sa mundo.

Ang lahat ay aking katalo,

Maging ang sarili ko ay kaargumento.

IV

Ikaw at ako ay magnilay,

Isipin ang takbo nitong buhay.

Kailangan mo ng karamay,

Katulad mo, ako sa iyo ay dadamay.

V

Ako ngayon ay kaparis mo,

Iisa ang ating pagkatao.

Tayo ay nasa iisang mundo,

At ako ay isang katulad mo.

VI

Huwag mo ng pagkaisipin,

Itong landas na tatahakin.

Pareho ang ating haharapin,

Tayo ay nasa iisang salamin.