BAKIT KA NAGTATAGO?

Crisanta N. Cardeño-Reyes

Nobyembre 23, 2012

I

Bakit ka nagtatago?

Ikaw ba ay isang bigo?

Baka naman ibig mo lang lumayo.

Sa pangarap mo at pagsuyo.

II

Ikaw ba ay nasaktan?

O sa pag-ibig ay isang biguan.

Huwag mo ng ikubli ang iyong katauhan,

Lahat ng bagay ay may sanhi at kadahilan.

III

Sa liwanag ng dilim ikaw ay lumantad,

Muli mong buksan yaring mga palad.

Huwag mong ikatakot ang maghangad,

Ang bawat nasa puso mo ay iyong ilahad.

IV

Malawak ang mundong ito,

At may nakalaan para sa iyo.

Bawat bagay ay subukan mo,

At ang tagumpay ay magiging iyo.

V

Huwag kang magtago o aking kaibigan,

Maraming pinto ang maaari mong buksan.

Sarili ay hayaan mong lahat ay matuklasan,

Upang masabi mo na ikaw ay may kabuluhan.

VI

Halika sa landas na makulay,

Piliin mo ang buhay na may saysay.

Karunungan ay gawin mong gabay,

At sa dilim ay huwag kang masanay.