DAMDAMIN

Crisanta N. Cardeño-Reyes

Setyembre 15, 2017

I

Damdamin ay nasa kalooban ng puso,

Mahirap isalarawan at ipagtanto.

Bawat isa ay may damdaming nabubuo,

Pagmamahalan at galit ay natatamo.

II

Hindi madaling isalarawan ang damdamin,

Bawat puso ay kay hirap na arukin.

Mga tanong na hindi kayang sagutin,

Tulad ng galit na kay hirap intindihin.

III

Sa pusong pagmamahal ang nananahan,

Damdamin ay madaling pakibagayan.

Pawang pagmamahal ang makakamtan,

Kalungkutan ay madaling maunawaan.

IV

Ang damdaming puno ng hinanakit,

Pawang kasawian ang sa puso ay sasapit.

Walang natatanaw na bituin sa langit,

Dahil ang sarili ay sa hinagpis ikinapit.

V

Damhin ang sayang dulot ng damdamin,

Ang hinagpis at dusa ay hindi mapapansin.

Kabiguan man ay madaling tanggapin,

Dahil ang damdamin ay madaling kausapin.

VI

Huwag ilagak ang puso sa dusa,

Ang damdamin ay madaling sumaya.

Natuturuan ang pusong nangangamba,

Damhin ang damdaming kay ganda,