HAMON

Crisanta N. Cardeño-Reyes

1991

I

Limutin ang kahapon,

Itapon mo ang noon.

Harapin itong ngayon,

Lumaban ka sa hamon.

II

Hayaan ang nagdaan,

Iwanan ang nakaraan.

Huwag mo ng balikan,

Puso ay diyan nasugatan.

III

Sikapin mong lumaban,

Sa kapalarang nakamtan.

Tingnan yaring kinabukasan,

Ito ay iyong matatagpuan.

IV

Hapdi sa puso ay hamon,

Kahinahunan ay itugon.

Iwaksi ang galit noon,

Ibaon mo sa kahapon.

V

Magsikap kang tumindig,

Sa galit ay huwag padaig.

Tingnan mo ang daigdig,

Harapin ang ligalig.

VI

Buhay mo ay biyaya,

Damhin ang tinatamasa.

Biyaya ay iniaadya,

Sa nakauunawa.